Í ályktun Vísinda- og tækniráðs 19. desember er áhersla á að efla doktorsnám á Íslandi og er sameining opinberra rannsóknastofnana jafnframt i forgrunni. Þá hvetur ráðið til uppbyggingu þekkingarþorps í Vatnsmýrinni.

Doktorsnám var viðfangsefni haustþings Rannís þann 25. nóvember síðast liðinn. Yfirskrift þingsins var Doktorsnám, fyrirheit og fallgryfjur. Erindi. glærur og samantekt á framsögum og umræðum er komin á heimasíðuna.

Stjórn markáætlunar um erfðafræði í þágu heilbrigðis og örtækni samþykkti sl. fimmtudag að veita 185,2 milljónum króna til 14 verkefna. Þetta er fyrsta úthlutun áætlunarinnar sem hleypt var af stokkunum í samræmi við stefnu Vísinda- og tækniráðs frá 18. desember 2003 og ályktun ráðsins frá 17. desember 2004.

Út er komin skýrslan Rannsóknir og þróun á Íslandi árið 2003: Fjárfestingar Íslendinga í þekkingarsköpun. Í henni eru helstu hagtölur vísinda, tækni og nýsköpunar tíundaðar og yfirlit gefið yfir þróun þeirra á undanförnum árum og áratugum. Einnig er gerður samanburður við önnur lönd. Skýrsluna má sækja á heimasíðu Rannís.

International Arctic Science Committee (IASC) í samstarfi við fjölda alþjóðlegra samtaka og fjármögnunaraðila heldur alþjóðlega ráðstefnu um rannsóknir á norðurslóðum þann 10. - 12. nóvember 2005 í Kaupmannahöfn. Heiti ráðstefnunar er International Conference on Arctic Research Planning - ICARP II og meginþema ráðstefnunar er ,,Research Planning to Understand the Arctic System in a Changing World".

Íslendingar setja 24 milljarða króna í rannsóknir og þróun og um fimm þúsund og fimmhundruð manns starfa að rannsóknum og þróun, samkvæmt nýrri rannsókn Rannís.

Freysteinn Sigmundsson jarðeðlisfræðingur veitti viðtöku Hvatningarverðlaunum Vísinda- og tækniráð við athöfn að loknu Rannsóknaþingi á Grand Hótel. Dómnefnd fyrri verðlaunaþega valdi Freystein úr hópi tilnefndra vísindamanna. Forsætisráðherra, sem jafnframt er formaður Vísinda- og tækniráðs, afhenti verðlaunin.