Klasar, markaðsbrestir í nýsköpun og hnattrænt samhengi vísinda og nýsköpunar voru umræðuefni á fundi Vísinda- og tækniráðs sem haldinn var í gær.

 30. sameiginlegi fundur tækninefndar og vísindanefndar miðvikudaginn 20. september, 2006, kl. 14-16:40.
Undirbúningur við European Technology Platforms samstarf, aðallega í höndum fyrirtækja (SI og SA) í samstarfi við stofnanir, komið skammt á veg. Sagt frá þátttöku í OECD fundi um heilbrigðistækni.

29. sameiginlegi fundur tækninefndar og vísindanefndar miðvikudaginn 21. júní, 2006, kl. 14-17
Gestir fundarins, Þorvaldur Finnbjörnsson, Rannís og Jón Steindór Valdimarsson, Samtökum iðnaðarins kynntu skattalega hvata til rannsókna og þróunar hjá fyrirtækjum í Noregi, s.k. SkatteFunn. .

Vísindanefnd: 57. fundur 4. október, 2006 kl. 14-16
Guðmundur Árnason, ráðuneytisstjóri menntamálaráðuneytis sagði frá skilagrein nefndar um fýsileika sameiningar Háskóla Íslands og Kennaraháskóla Íslands.  Rætt var um tillögur að skipan í fagráð Rannsóknasjóðs og ákveðið að formaður gangi frá skipaninni.

Vísindanefnd: 56. fundur 6. september, 2006 kl. 14-16
Sagt var frá reglugerðarvinnu vegna nýrra háskólalaga, endurskoðun frumvarps um Nýsköpunarmiðstöð og skipan nefndar til að skoða uppbyggingu þekkingarkjarna í Vatnsmýri

Vísindanefnd: 54. fundur 28. júní, 2006 kl. 14-16
Formaður greindi frá því að stjórn Rannsóknasjóðs hafi verið skipuð samkvæmt tillögu nefndarinnar.

Vísindanefnd: 53. fundur 21. júní, 2006 kl. 13:30-14
Eina málið á dagskrá var afgreiðsla tilnefninga í stjórn Rannsóknasjóðs 2006-2009.

Vísindanefnd: 52. fundur 7. júní, 2006 kl. 14-16
Sagt frá fyrirhuguðum fundi með Sean McCarthy, írskum ráðgjafa,  5. júlí um mótun stefnu gagnvart sókn í 7. rammaáætlun ESB og fundarmönnum boðið á þann fund. Rætt var um tilnefningar í stjórn Rannsóknasjóðs og úthlutunarstefnu sjóðsins, sem verður afgreidd á fundi nefndarinnar 28. júní. Ákveðið var að funda um samstarf sjóðanna á komandi hausti um leiðir til að samræma starfshætti  sjóðanna til að skapa samfellu í samræmi við ályktanir Vísinda- og tækniráðs.

Vísindanefnd: 51. fundur 2. maí, 2006 kl. 14-16
Formaður tækninefndar sagði frá umsögn tækninefndar um frumvarp til laga um opinberan stuðning við tæknirannsóknir, nýsköpun og tækniþróun. Staðfest var að fundur Vísinda- og tækniráðs verður haldinn 1. júní kl. 14-16, kynningarfundur RANNÍS og Impru 9. maí og að Rannsóknaþing verður haldið 31. maí. Farið var yfir drög að stefnumótun ráðsins til ársins 2009. Vakin var athygli á því að á Norðurlöndunum er verið að ræða fyrirkomulag útstöðva EMBL.

Menntamálaráðherra hefur skipað nýja stjórn Rannsóknasjóðs og Tækjasjóðs, sbr. 4. gr. laga nr. 3/2003. Skipunartími er sami og Vísinda- og tækniráðs 2006-2009.

Vísinda- og tækniráð samþykkti vísinda- og tæknistefnu til ársins 2009 á fundi sínum 1. júní.
Undanfarin þrjú ár hefur Vísinda- og tækniráð lagt mesta áherslu á innviði og skipulagsmál rannsóknarstarfseminnar, eflingu háskólanna sem rannsóknarstofnana og eflingu samkeppnissjóða og samstillingu í starfsháttum þeirra. Árangur starfsins birtist m.a. í tvöföldun ráðstöfunarfjár samkeppnissjóða og umfangsmikilli nýsköpun í skipan rannsóknarstofnana og háskóla.

Dr. Agnar Helgason mannfræðingur veitti í morgun viðtöku hvatningarverðlaunum Vísinda- og tækniráðs úr hendi Halldórs Ásgrímssonar forsætisráðherra og formanns  ráðsins.

Stjórn Tækniþróunarsjóðs samþykkti að veita 19 verkefnum stuðning fyrir samtals 150 m. kr. Heildarvelta verkefnanna 19 er um 380 m.kr.
Alls bárust 61 umsókn um stuðning og sótt var um 895 m.kr.
Stjórn sjóðsins samþykkti jafnframt stuðning við 24 framhaldsverkefni og fengu þau samtals 140 m.kr.

RANNÍS boðar til Rannóknarþings 2006 í samstarfi við ráðuneyti menntamála og iðnaðar miðvikudaginn 31. maí kl. 9.00 – 11.20 á Grand Hótel. Yfirskrift þingsins er Næsti kafli vísinda og nýsköpunar á Íslandi.

Þorgerður Katrín Gunnarsdóttir menntamálaráðherra setur þingið.

Ragnhildur Geirsdóttir forstjóri Promens og Andri Snær Magnason rithföundur flytja erindi.

Halldór Ásgrímsson forsætisráðherra og formaður Vísinda- og tækniráðs afhendir hvatningarverðlaun ráðsins.

27. sameiginlegi fundur tækninefndar og vísindanefndar þriðjudaginn 11. apríl, 2006, kl. 9-10:30
Þetta var fyrsti fundur nefndanna í nýskipuðu ráði tímabilsins 2006-2009 og voru lagðar fram tillögur að skiptingu aðalmanna í Vísinda- og tækniráði í vísindanefnd annars vegar og tækninefnd hins vegar. Formenn nefndanna og ritari Vísinda- og tækniráðs fengu í lok fundarins umboð til að ganga frá lokagerð skipunar í nefndir.

Vísindanefnd: 50. fundur 19. apríl, 2006 kl. 14-17
Ákveðið var verklag við umfjöllun nefndarinnar á stefnumótun Vísinda- og tækniráðs 2006-2009 og lagður fram verkefnalisti sem varðar stefnuatriðin. Vísinda- og tækniráði barst erindi frá NordForsk, sem lagt var fram á sameiginlegum fundi nefndanna í síðustu viku. Bréfi nefndanna til Nordisk Forskningspolitisk Rad árið 2004 var dreift. Ákveðið var að fresta umræðu þar til eftir næsta fund stjórnar NordForsk. Rætt var um tilhögun Rannsóknaþings Vísinda- og tækniráðs sem haldið verður í maí og ákveðið að kynningarnefnd ráðsins ásamt formönnum nefndanna gangi frá því. Minnt var á að nefndin þarf að huga að skipan í stjórn Rannsóknasjóðs og í stjórn NordForsk.

Vísindanefnd: 49. fundur 15. mars, 2006 kl. 14-17
Staðfest var að fundur Vísinda- og tækniráðs verður haldinn 31. mars kl. 11 í Ráðherrabústaðnum. Til umræðu var stefnumótun Vísinda- og tækniráðs 2006-2009 í ljósi Málþings 14. mars og farið yfir helstu atriði sem þar komu fram, en almenn ánægja virtist vera um drögin sem þar voru kynnt. Rætt var um reglur um doktorsnám.

,,Í framtíðarsýn Vísinda- og tækniráðs er Ísland samfélag í fremstu röð með alþjóðlegu yfirbragði.Það byggir á mannauði og menningu," segir í inngangsorðum framtíðarsýnar fráfarandi Vísinda- og tækniráðs sem lagði fyrir helgi fram drög að stefnumótun vísinda- og tæknimála 2006 - 2009 í hendur nýskipaðs Vísinda- og tækniráðs.

Sigmar Guðbjörnsson framkvæmdastjóri Stjörnu - Odda og eiginkona hans Jóhanna Ástvaldsdóttir veittu í morgun viðtöku nýsköpunarverðlaunum Rannís og Útflutningsráðs. Valgerður Sverrisdóttir iðnaðarráðherra afhenti verðlaunin.

Vísinda- og tækniráð boðar til málþings um mótun vísinda- og tæknistefnu 2006 - 2009 þriðjudaginn 14. mars kl. 13:00 á Hótel Loftleiðum.

Á málþinginu verða kynnt drög að stefnumótun Vísinda- og tækniráðs. Framsögu flytja Kristín Ingólfsdóttir rektor Háskóla Íslands, Kári Stefánsson forstjóri Íslenskrar erfðagreiningar, Gunnar Páll Pálsson formaður VR og Þorkell Sigurlaugsson framkvæmdastjóri nýsköpunar og þróunar Háskólans í Reykjavík.

Heilbrigðisstefna til framtíðar- á hvaða leið erum við? er yfirskrift opins kynningar- og umræðufundar, sem haldinn verður föstudaginn 10. mars nk. kl. 14.00-16.30/17.00 í Öskju, náttúrufræðahúsi Háskóla Íslands.

Tilefni fundarins eru nýjar niðurstöður tveggja nefnda sem báðar fjalla um þau grundvallaratriði og lagaramma sem íslensku heilbrigðiskerfi er ætlað að mótast af á komandi árum. Fundurinn sem fjalla mun um þau grundvallaratriði hefst með ávarpi heilbrigðisráðherra Sivjar Friðleifsdóttur.

Hver er nýsköpunin í útrásinni? er yfirskrift Nýsköpunarþings Rannís og Útflutningsráðs sem haldið verður  fimmtudaginn 9. mars nk. kl. 8.00-10.00 á Grand Hótel Reykjavík. Á þinginu verða veitt Nýsköpunarverðlaun fyrir árið 2006.

Hvatningarverðlaun Vísinda- og tækniráðs eru árlega veitt vísindamanni sem snemma á ferlinum þykir hafa skarað fram úr og skapað væntingar um framlag í vísindastarfi er treysti stoðir mannlífs á Íslandi. Tilnefningafrestur er til 15. mars.

ReykjavíkurAkademían, í samstarfi við Vetrarhátið Reykjavíkurborgar, kynnir alþjóðlega ráðstefnu undir yfirskriftinni ÍMYNDIR NORÐURSINS, sem haldin verður í Iðnó dagana 24.-26 febrúar 2006.
Ráðstefnan er alþjóðleg og ráðstefnutungumálið er enska. Boðið er upp upp á um 75 erindi í 12 málstofum, þar sem fræðimenn úr hug- og félagsvísindum fjalla um norðrið með því að kanna hina ýmsu þætti sem hverfast um ímyndarsköpun, sjálfsmyndir, framsetningu norðursins, og sambandið þar á milli. Meirihluti fyrirlesara kemur erlendis frá og er þetta stærsti viðburðurinn sem hefur verið skipulagður á Íslandi um þetta viðfangsefni.

EMBL/EMBO efnir til ráðstefnu um vísindi og samfélag í Heidelberg í Þýskalandi 3. og 4. nóvember í haust. Viðfangsefni ráðstefnunnar er hugur, hegðun og erfðir.
Framfarir í lífvísindum og lyfjameðferð eru slíkar að vísindasamfélagið stendur frammi fyrir fjölmörgum áleitnum siðferðilegum álitamálum sem rædd verða á ráðstefnunni.

Hafliði P. Gíslason formaður stjórnar  Rannsóknasjóðs kynnti úthlutun sjóðsins á blaðamannafundi í dag. Nýir verkefnisstyrkir eru 65, þrír nýir öndvegisstyrkir og fimm rannsóknastöðustyrkir.