MÁLÞING á vegum Vísindafélags Íslendinga

Tjarnarsalur Ráðhúss Reykjavíkur, föstudaginn 28. nóvember, kl. 14-16.

Á málþinginu verður rætt um stefnu vísinda og tækniráðs.  Sérstök áhersla verður lögð á samkeppnissjóði og hvernig þeir geti styrkt besta vísindastarfið hverju sinni. Öruggasta leiðin að því marki er að leggja áherslu á gæði vísindanna, með hlutlausu og faglegu jafningjamati.

Fimmtudaginn 20 nóvember mun RANNÍS standa fyrir námskeiði um umsóknarferli 7.Rá ESB. Námskeiðið fer fram á íslensku og kennari verður Dr. Sigurður G. Bogason og verður gefið yfirlit yfir neðangreind efnisatriði, auk þess um önnur atriði varðandi FP7 er þátttakendur vilja bera fram. Námskeiðið verður með hringborðssniði til að örva gagnvirkar umræður milli þátttakenda og kennara.

Á vísindavöku Rannís var Örnólfur Thorlacius verðlaunaður fyrir framlag sitt til vísindamiðlunar. Hallgrímur Jónasson forstöðumaður Rannís og Hellen M. Gunnarsdóttir deildarstjóri í menntamálaráðuneytinu afhentu Örnólfi verðlaunin við setningarathöfn vísindavöku í Listasafni Reykjavíkur s.l. föstudag.

 

Svar menntamálaráðuneytis vegna óska um rökstuðning fyrir vali á tíu aðilum til að útfæra hugmyndir að öndvegissetrum og rannsóknaklösum til markáætlunar á sviði vísinda og tækni.

Umsóknareyðublöð og leiðbeiningar um seinna þrepið í umsóknarferli markáætlunar 2009-2015 eru komnar á heimasíðu Rannís. Sjá nánar hér.

Flestar þeirra 82 hugmynda sem bárust að markáætlun voru á heilbrigðissviði eða 30. Sviðin náttúruauðlindir og innviðir samfélagsins var hvort um sig með 12 hugmyndir og önnur svið með færri.
Sumar hugmyndanna náðu yfir fleiri en eitt svið. Sjá yfirlit yfir innlendar stofnanir sem standa á bak við hugmyndirnar.

Tíu hugmyndir fá styrk úr markáætlun 2009 - 2015 til að skila fullbúinni umsókn í október næstkomandi. Markáætlunin var auglýst í apríl síðastliðnum og var beðið um hugmyndir að öndvegissetrum og rannsóknaklösum á þeim sviðum sem fjallað er um í ályktun Vísinda- og tækniráðs frá því í desember 2007. Alls bárust 82 hugmyndir.

Starfshópur á vegum Vísinda- og tækniráðs valdi tíu hugmyndir og tók mið af stefnu ráðsins og þeim viðmiðunum sem nefnd eru í lýsingu á markáætluninni. Lokaniðurstaða var kynnt á fundi vísindanefndar og tækninefndar 24. júní síðastliðinn.

Hvatningarverðlauna Vísinda- og tækniráðs fyrir árið 2008 hlaut dr. Ari Kristinn Jónsson tölvunarfræðingur og deildarforseti tölvunarfræðideildar Háskólans í Reykjavík. Geir H. Haarde forsætisráðherra afhenti verðlaunin á Rannsóknaþingi sem haldið var á  Grand Hótel 27. maí.

Þriðjudaginn 27. maí kl. 8:30-11:10 á Grand Hótel Reykjavík, Hvammi, Sigtúni 38

Alþjóðlegar samanburðarmælingar sýna að Íslendingar hafa dregist aftur úr í nýsköpunar- og þróunarstarfi í atvinnulífinu á undanförnum árum og er brýnt að auka hvata til að snúa þeirri þróun við. Í fámennu landi er mikilvægt að sameina kraftana. Vísinda- og tækniráð hefur í framtíðarsýn sinni til 2020 m.a. lagt áherslu á virkt samstarf fyrirtækja, háskóla og stofnana í rannsóknum, nýsköpun og þróunarstarfi. Öflugar rannsóknir eru undirstaða þekkingarþjóðfélagsins og brýnt að hvetja sem flest fyrirtæki til þess að þær verði reglulegur þáttur í starfsemi þeirra.

Rannsóknaþing verður haldið á Grand hótel þann 27. maí kl. 8:30. Rannsóknir í fyrirtækjum er yfirskrift þingsins.

Um hundrað manns mættu á kynningu Rannís og Impru á Hótel Sögu á nýrri markáætlun Vísinda- og tækniráðs um öndvegissetur og klasa.

 Ný markáætlun á vegum Vísinda- og tækniráðs hefur göngu sína árið 2009. Auglýst hefur verið eftir hugmyndum að öndvegissetrum og rannsóknaklösum. Frestur til að skila hugmyndum rennur út þriðjudaginn 13. maí.

Mánudaginn 14. apríl standa Rannís og Impra fyrir kynningu á markáætluninni á Hótel Sögu frá klukkan 9 til 10:30. Morgunverður í boði. Kynningin fer fram í Harvard (gamla Ársal).

Kynningin er öllum opin en þátttakendur skrái sig með tölvupósti til: rannis@rannis.is

Starfsnefndir Vísinda- og tækniráðs auglýsa eftir hugmyndum að öndvegissetrum og rannsóknaklösum. Í boði eru styrkir upp á allt að 80 milljónir króna á ári í að hámarki 7 ár. Hugmyndum skal skila á skrifstofu Rannís fyrir klukkan 16 þriðjudaginn 13. maí. Þær mega ekki vera lengri en 8 blaðsíður. Sjá auglýsingu hér og lýsingu á áætlun hér.

Hans Kristján Guðmundsson hefur látið af störfum sem forstöðumaður Rannís. Menntamálaráðherra hefur skipað Hallgrím Jónasson, framkvæmdastjóra hjá Nýsköpunarmiðstöð Íslands, sem forstöðumann Rannsóknamiðstöðvar Íslands.

Föstudaginn 4. apríl munu starfsnefndir Vísinda- og tækniráðs auglýsa eftir hugmyndum að öndvegissetrum. Nokkrar hugmyndir verða valdar og forsvarsmönnum þeirra boðið að senda inn fullbúnar umsóknir í október 2008.  
Í boði verða 2 til 4 styrkir til allt að 7 ára og getur hver styrkur numið allt að 80 milljónum króna á ári. Samstarf háskóla, stofnana og fyrirtækja er skilyrði fyrir styrkveitingu sem og samstarf við erlenda aðila. Hugmyndir skulu taka mið af stefnu og áherslum sem Vísinda- og tækniráð samþykkti á fundi 18. desember 2007, sjá hér.

Nánari upplýsingar verða birtar í auglýsingu föstudaginn 4. apríl og frestur til að skila hugmyndum rennur út 9. maí.