Hlutverk háskóla: Málfundur 11. desember kl. 13 til 16 í Norræna húsinu

Föstudaginn 11. desember nk. verður annað málþing um háskólamál og rannsóknir sem mennta- og menningarmálaráðuneytið stendur fyrir.

Öndvegisrannsóknaráætlunin (Topforskningsinitiativet- TFI) er samnorrænt átak sem snýr að loftslagi, umhverfi og orku. Markmiðið er að með því að gera bæði rannsóknastofnanir og atvinnulíf þátttakendur, og með því að tengja þá bestu á sínu sviði saman, geti Norðurlöndin lagt sitt af mörkum við að leysa loftlagsvanda heimsins. Nokkrir umsóknarfrestir eru í byrjun árs.

Mennta- og menningarmálaráðuneytið með Vísinda- og tækniráði og Rannsóknastofu um háskóla stendur fyrir málfundum veturinn 2009 - 2010 um framtíð háskóla og rannsókna. Markmiðið er að vinna að sameiginlegum skilningi á aðstæðum háskóla og rannsóknastofnana í samfélagi okkar og móta sýn um uppbyggingu og samstarf menntunar og rannsókna í landinu. Fimmtudaginn 26. nóvember er hádegisfyrirlestur í Þjóðmenningarhúsinu. Föstudaginn 27. nóvember er fundur í Norræna húsinu um gæðaeftirlit kennslu og rannsókna í háskólum.

Þjóðarspegillinn X 2009, tíunda félagsvísindaráðstefna Háskóla Íslands, verður haldin af félags-og mannvísindadeild, félagsráðgjafardeild, hagfræðideild, lagadeild, sálfræðideild, stjórnmálafræðideild og viðskiptafræðideild í Lögbergi, Háskólatorgi og Odda föstudaginn 30. október frá klukkan 09:00 til 17:00. Ráðstefnan er öllum opin og aðgangur er ókeypis.

Menntamálaráðherra hefur skipað stjórn Rannsóknasjóðs, sbr. 4. gr. laga nr. 3/2003 um opinberan stuðning við vísindarannsóknir. Skipunartími er sami og Vísinda- og tækniráðs 2009-2012.

Drög að stefnu Vísinda- og tækniráðs, skýrsla um innviði til rannsókna og skýrsla um rannsóknastofnanir eru komnar á heimasíðu Vísinda- og tækniráðs, vt.is

 

Forsætisráðherra hefur skipað nýtt Vísinda- og tækniráð til næstu þriggja ára. Ráðinu er meðal annars ætlað að marka stefnu stjórnvalda á sviði vísinda- og tæknimála en umfjöllun á hvoru sviði er undirbúin af vísindanefnd og tækninefnd.

Rannsóknaþing verður haldið 1. júlí kl. 9:00 á Grand hótel. Á þinginu verða jafnframt veitt hvatningarverðlaun Vísinda og tækniráðs. Dagskrá.

Stjórn Rannsóknarnámssjóðs hefur lokið við úthlutun til nýrra verkefna fyrir árið 2009; 94 milljónum króna var úthlutað til bæði doktors- og meistaraverkefna.

Alls bárust 109 umsóknir um almennan styrk úr Rannsóknarnámssjóði að þessu sinni og voru 25 þeirra styrktar eða 22,9% (fjöldi). Sótt var um röskar 563 milljónir króna en um 94 milljónum króna var veitt eða 16,8% (upphæð). Meðalupphæð umsókna var um 5,1 milljón króna en meðalupphæð styrkja nú er rétt um 3,8 milljónir króna.

Stjórn Tækniþróunarsjóðs ákvað á fundi sínum í dag 16. júní hvaða verkefnisstjórum er boðið til samninga um stuðning. Umsóknir voru óvenju margar að þessu sinni, um þreföldun, og því hefur ákvörðun um úthlutun tekið lengri tíma en áður.
Hér er listi yfir almenn verkefni sem hlutu stuðning og hér yfir öndvegisverkefni.

Með vísan til samþykktar Vísinda- og tækniráðs á vorfundi 2. júní 2008 skipaði forsætisráðherra þ. 5. september s.l. nefnd sem hafi forystu um gerð vegvísis um uppbyggingu innviða til rannsókna á Íslandi. Í nefndinni sitja Friðrika Harðardóttir tilnefnd af menntamálaráðuneyti (formaður), Ingileif Jónsdóttir, Jón Torfi Jónasson og Pétur Reimarsson tilnefnd af starfsnefndum Vísinda- og tækniráðs og Þorvaldur Finnbjörnsson tilnefndur af Rannís (tók við af Oddnýju Ósk Sverrisdóttur).

Starfsnefndir Vísinda- og tækniráðs birta hér með tillögur að stefnu ráðsins fyrir árin 2009 til 2012. Nefndirnar hafa haft langtímauppbyggingu rannsókna og nýsköpunar að leiðarljósi í vinnu sinni. Þær munu skila tillögunum í hendur nýs Vísinda- og tækniráðs sem tekur við í vor. Nýja ráðið fær tillögurnar til umfjöllunar og notar við að móta stefnu sína.

Nefndirnar hafa unnið tillögurnar í víðtæku samráði og hafa meðal annars haldið þrjá opna fundi um stefnumótunina. Áhugasömum er hér með gefinn kostur á að gera athugasemdir við tillögurnar og nefndirnar munu taka mið af athugasemdunum við endanlegan frágáng tillagnanna.

Drögin að stefnu má finna hér.

Vinsamlega sendið athugasemdir í síðasta lagi mánudaginn 20. apríl á netfangið: sunna.vidarsdottir@mrn.stjr.is

Í tilefni af nýrri úthlutun Rannsóknasjóðs fyrir styrkárið 2009 verður dagskrá í Ráðhúsi Reykjavíkur föstudaginn 20. mars frá kl. 15:00-18:00. Kynntar verða áherslur í starfsemi sjóðsins auk þess sem haldin verður sýning á nokkrum verkefnum sem hlotið hafa styrk úr sjóðnum.

Yfir hundrað manns mættu á kynningu og umræður um drög að nýrri vísinda- og tæknistefnu á Hótel Loftleiðum þann 4. mars. Formenn vísindanefndar og tækninefndar kynntu drögin sem síðan voru rædd í hópum og með öllum fundargestum.

Nýsköpunarþing verður haldið 12. mars kl. 8:00 - 10:00 á Grand hótel. Þingið er haldið í samstarfi Rannís, Nýsköpunarmiðstöðvar Íslands og Útflutningsráðs. 

Yfirskrift þingsins í ár er Opin nýsköpun. Menntamálaráðherra ávarpar þingið.   

Á þinginu eru veitt Nýsköpunarverðlaunin, en þau voru fyrst veitt árið 1994. Meðal fyrirtækja sem hlotið hafa verðlaunin eru Íslensk erfðagreining, Bláa lónið, Vaki-DNG, Hugvit, CCP og Lyfjaþróun. Árið 2008 fékk líftæknifyrirtækið Orf Nýsköpunarverðlaunin.

Miðvikudaginn 4. mars frá 14 til 17 að Hótel Loftleiðum.

I lok janúar efndu vísindanefnd og tækninefnd til opinna funda til að undirbúa nýja stefnu Vísinda- og tækniráðs. Nú boða nefndirnar til fundar þar sem fyrstu drög að nýrri stefnu verða kynnt. Markmiðið er að ræða stefnuna með hagsmunaaðilum, fá gagnrýni og ábendingar til að nota við lokaundirbúning stefnunnar.

Allir hagsmunaaðilar í vísindum, tækniþróun og nýsköpun eru hvattir til að mæta og hafa áhrif á mótun nýrrar stefnu.

Miðvikudaginn 4. mars munu formenn vísindanefndar og tækninefndar kynna drög að nýrri vísinda- og tæknistefnu fyrir árin 2009 til 2012. Á fundinum gefst þátttakendum tækifæri til að gefa ráð og ábendingar, gagnrýna stefnuna og hafa áhrif á endanlega útgáfu hennar. Allir hagsmunaaðilar eru hvattir til að mæta. Dagskrá má sjá hér.

Föstudaginn 13. febrúar kynnti menntamálaráðherra úthlutun úr markáætlun Vísinda- og tækniráðs á blaðamannafundi í Þjóðmenningarhúsinu.

Út er komin skýrslan A more research-intensive and integrated Eropean Research Area. Science, Technology and Competitiveness key figures report 2008/2009. Í skýsrlunni má sjá samanburð á helstu stærðum sem einkenna rannsóknir og nýsköpun í Evrópu og í samanburði við önnur lönd, aðallega Bandaríkin og Japan. Árið sem upplýsingar miðast við er 2006, þó viðmiðunarárið í tilfelli Íslands sé í flestum tilfellum 2005. Í skýrslunni er skoðuð þróun frá 2000 til 2006. Skýrslan er ásamt öðru efni á undirsíðu um skýrslur og greinargerðir.

Fleiri skýrslur og greinargerðir um evrópska rannsóknasvæðið má nálgast hér.

Út er komin skýrslan European Innovation Scoreboard 2008. Í skýrslunni er hægt að sjá stöðu Íslands í samanburði við önnur lönd í Evrópu. Athygli er vakin á því að aðferðafræðin sem notuð er í þessari skýrslu er ekki að öllu leyti sú sama og notuð hefur verið undanfarin ár og því eru niðurstöður ekki algerlega sambærilegar við niðurstöður fyrri ára. Einnig vantar upplýsingar um nokkra mikilvæga þætti fyrir Ísland (sjá töflur aftast í skýrslunni). Skýrslan er ásamt öðru efna á undirsíðu um skýrslur og greinargerðir.

Nánari upplýsingar má nálgast hér.

Vísindanefnd og tækninefnd boða til opins fundar um mótun nýrrar vísinda- og tæknistefnu miðvikudaginn 28. janúar kl. 15:00 - 17:30 í Nýja Kaupþingi.

Vísindanefnd og tækninefnd boða til opinna funda um mótun nýrrar vísinda- og tæknistefnu í Nýja Kaupþingi banka hf., Borgartúni 19, Reykjavík. Fundir verða dagana 21. janúar, 28. janúar og loks 4. mars.