Fréttabréf Rannís fyrir júní eru komið út. Nálgast má fréttabréfið hér en einnig er tilvalið að skrá sig á útsendilistann hér.

Rannís hefur gefið út skýrsluna Ritrýndar birtingar og áhrif þeirra - samantekt um árangur Íslands en í henni er stuðst við gögn og skýrslur norræns starfshóps um greiningu á eðli og fjölda ritrýndra birtinga á Norðurlöndum sem settur var saman fyrir tilstilli NordForsk í tengslum við NORIA-net Bibliometrics verkefnið.

Minnum á Rannsóknaþing 2010 og afhendingu Hvatningarverðlauna Vísinda- og tækniráðs fimmtudaginn 27. maí nk. Dagskráin hér. Skráning á rannis@rannis.is eða í síma 515 5800.

Rannís og Vísinda- og tækniráð boða til Rannsóknaþings 2010 þann 27. maí kl. 8:30 - 11:20 á Grand Hótel Reykjavík. Fjöldi áhugaverðra fyrirlestra verður í boði auk þess sem Hvatningarverðlaun Vísinda- og tækniráðs verða afhent ungum vísindamanni. Skráning á rannis@rannis.is eða í síma 515 5800. 

Verðlaunin eru árlega veitt vísindamanni sem þykir hafa skarað fram úr snemma á ferlinum og skapað væntingar um mikilvægt framlag í vísindastarfi. Frestur til að skila inn tilnefningum er til og með 12. apríl nk. Verðlaunin eru tvær milljónir króna og verða afhent á Rannsóknaþingi í vor.

Vísinda- og tækniráð og Rannís boða til fundar með Anneli Pauli, aðstoðarframkvæmdastjóra rannsókna- og nýsköpunarskrifstofu ESB (DG Research) þann 19. febrúar í Þjóðmenningarhúsinu.

Mennta- og menningarmálaráðuneytið með Vísinda- og tækniráði og Rannsóknastofu um háskóla stendur fyrir málfundum veturinn 2009 - 2010 um framtíð háskóla og rannsókna.

Vísinda- og tækniráð samþykkti nýja stefnu í vísinda- og nýsköpunarmálum á fundi sínum 18. desember 2009. Ráðið hóf undirbúning við mótun nýrrar stefnu haustið 2008 og tók mið af breyttum forsendum fyrir efnahag þjóðarinnar í vinnunni. Nýtt Vísinda- og tækniráð var skipað vorið 2009 og tók það við mótuðum tillögum frá gamla ráðinu. Nýja ráðið vann áfram með tillögurnar og samþykkti nýja stefnu á desemberfundinum.

Stefnuna má finna hér.